محمود سعد قال إنه سيتم هذا الشهر عامه الـ 60، مشيرا إلى أنه يرى أن الشخص الذي يبلغ هذا العمر عليه أن يترك فرصة للشباب الجديد.
سعد قال- في برنامجه «آخر النهار» على قناة «النهار»-، موجها حديثه للجمهور: «أنا يمكن أفكر أقعد معاكوا ربع ساعة كده في يوم عيد ميلادي، لأن عيد ميلادي السنة دي خاص جدا، لأني هتم فيه 60 سنة، وهقولكوا أفكاري كانت فيه إيه، لكن علاء الكحكي ردني عن هذه الأفكار، لكن أنا مصر عليها شوية».
وأضاف: «أنا متصور إن أبو ستين سنة ده خلاص بقى، يعني يشتغل شغلانة خفيفة كده، مش أربع أيام في الأسبوع، ويقعد يشارك في الأحداث، المفروض ندي فرصة للوجوه الجديدة إنها تطلع، ليا أفكار كده في دماغي، ممكن تبقى غريبة شوية، بس أنا أكتر واحد قدمت استقالات في حياتي، لأني ما بحبش يبقى الواحد عنده 50 حاجة بيعملها، وأنا استكفيت وراضي جدا، وربنا كرمني آخر كرم، وباخد أجر ما كنتش أحلم بيه، ومبسوط أوي بشغلي هنا في آخر النهار»
